रयत शिक्षण संस्थेच्या महात्मा गांधी विद्यालयात वृक्षारोपण
रयत शिक्षण संस्थेच्या महात्मा गांधी विद्यालयात वृक्षारोपण
राहुरी तालुका जावेद शेख
तालुक्यातील प्रवरानगर येथील रयत शिक्षण संस्थेच्या महात्मा गांधी विद्यालय व कनिष्ठ महाविद्यालयात पंचायत समिती राहाता यांच्या वतीने अमृत वृक्ष योजने अंतर्गत वृक्षारोपण करण्यात आले.
पंचायत समितीचे बाभळेश्वर येथील केंद्रप्रमुख कानिफनाथ कोळेकर यांनी नुकतीच विद्यालय भेट दिली. त्यावेळी शासनाच्या अमृत वृक्ष योजनेअंतर्गत विद्यालयात केंद्रप्रमुख कानिफनाथ कोळेकर आणि विद्यालयाचे मुख्याध्यापक विनायक मेथवडे यांच्या हस्ते बदाम, लिंब, आवळा, चिंच, पिंपळ, वड आदी ३० वृक्षांचे वृक्षारोपण करण्यात आले. यावेळी बाभळेश्वर प्राथमिक शाळेचे प्रभारी मुख्याध्यापक दत्तात्रय कोरडे, उपमुख्याध्यापक दिलीप डहाळे, डॉ. शरद दुधाट, नरेंद्र ठाकरे, संजय ठाकरे, संपतराव बगाड, रवींद्रनाथ मेढे, बाबासाहेब अंत्रे यांच्यासह विद्यार्थी मोठ्या संख्येने उपस्थित होते.
