वंचितांच्या जगण्याला ‘स्नेह’ देणारे डॉ. उद्धव शिंदे सन्मानित
वंचितांच्या जगण्याला ‘स्नेह’ देणारे डॉ. उद्धव शिंदे सन्मानित
अपर पोलीस अधीक्षक वैभव कलुबर्मे यांच्या हस्ते गौरव; रक्तदान, शिक्षण ते पर्यावरण रक्षणातील योगदानाची दखल
अहिल्यानगर – समाजातील शेवटच्या घटकापर्यंत मदतीचा हात पोहोचवून निस्वार्थ भावनेने काम करणाऱ्या ‘स्नेहबंध सोशल फौंडेशन’च्या कार्यावर खाकीने कौतुकाची मोहर उमटवली आहे. फौंडेशनचे संस्थापक अध्यक्ष डॉ. उद्धव शिंदे यांच्या बहुआयामी समाजकार्याची दखल घेत अहिल्यानगरचे अपर पोलीस अधीक्षक वैभव कलुबर्मे यांच्या हस्ते त्यांचा विशेष सन्मान करण्यात आला. शाल, पुस्तक आणि पुष्पगुच्छ देऊन कलुबर्मे यांनी डॉ. शिंदे यांच्या सामाजिक बांधिलकीचे कौतुक केले.
केवळ उपक्रम नाही, तर निरंतर चळवळ
डॉ. उद्धव शिंदे यांनी ‘स्नेहबंध’च्या माध्यमातून समाजकार्याला एका इव्हेंटपुरते मर्यादित न ठेवता सातत्यपूर्ण चळवळीचे रूप दिले आहे. रक्तदान शिबिरांच्या माध्यमातून रुग्णांचे प्राण वाचवणे, वंचित पाल्यांच्या शिक्षणाला बळ देणे, आरोग्य तपासणी, वृक्षारोपण व त्यांचे संवर्धन, तसेच महिला व तरुणांना स्वावलंबी बनवण्यासाठी प्रबोधनपर उपक्रम राबवण्यात संस्था नेहमीच आघाडीवर राहिली आहे. याच निःस्वार्थ कार्याचा गौरव पोलीस प्रशासनाकडून करण्यात आला.
सन्मान म्हणजे जबाबदारीची नवी जाणीव
“कोणत्याही प्रसिद्धीच्या अपेक्षेशिवाय तळमळीने काम करत राहणे हीच खरी सेवा आहे. खाकी वर्दीकडून मिळालेली ही दाद केवळ माझा नाही, तर स्नेहबंधच्या संपूर्ण टीमच्या घामाचा सन्मान आहे. यामुळे वंचितांच्या सेवेसाठी काम करण्याची आमची जबाबदारी आणि ऊर्जा दोन्ही अधिक वाढले आहेत.
— डॉ. उद्धव शिंदे, संस्थापक अध्यक्ष, स्नेहबंध सोशल फौंडेशन
