जन आरोग्य समितीची पहिली बैठक उत्साहात संपन्न
जन आरोग्य समितीची पहिली बैठक उत्साहात संपन्न
प्रतिनिधी: सुर्यकांत होनप
करमाळा: दि. २८/ हिंदूहृदयसम्राट बाळासाहेब ठाकरे आपला दवाखाना , नविन कोर्टा समोर अग्निशामक केंद्र हॉल, आयुष्मान आरोग्य मंदिर कुंभारवाडा व कानाड गल्ली, करमाळा या तिन्ही दवाखान्याच्या संयुक्त विद्यमाने जन आरोग्य समिती (JAS) ची पहिली बैठक नुकतीच उत्साहात संपन्न झाली.
सदर बैठकीमध्ये JAS समितीचे अध्यक्ष- नगरसेवक, सह. अध्यक्ष- तालुका आरोग्य अधिकारी, सचिव- वैद्यकीय अधिकारी, सचिव- तालुका आरोग्य अधिकारी, कार्यालयाचे प्रतिनिधी तसेच तिन्ही दवाखान्याचे आरोग्य कर्मचारी, वैद्यकीय अधिकारी, आरोग्य अधिपरीचारिका, आरोग्य सेवक व नागरिक उपस्थित होते.
यावेळी आरोग्य संस्थेतील उपलब्ध सुविधा, औषधांचा साठा, आवश्यक साहित्य, स्वच्छता व्यवस्था, रुग्णांना देण्यात येणाऱ्या आरोग्य सेवा तसेच नागरिकांच्या आरोग्यविषयक अडचणी याबाबत सविस्तर चर्चा करण्यात आली. नागरिकांना दर्जेदार व वेळेवर आरोग्य सेवा मिळाव्यात, आरोग्य संस्थेतील समस्या स्थानिक पातळीवर सोडविण्यात याव्यात तसेच आरोग्य सेवांमध्ये नागरिकांचा सहभाग वाढावा, यासाठी जन आरोग्य समितीच्या माध्यमातून प्रयत्न करण्यात येतील.
