‘हेल्मेट युक्त राहुरी – अपघात मुक्त राहुरी ‘ अभियानाची मोटरसायकल रॅली द्वारे सुरुवात
‘हेल्मेट युक्त राहुरी – अपघात मुक्त राहुरी ‘ अभियानाची मोटरसायकल रॅली द्वारे सुरुवात
राहुरी वृत्तसेवा / प्रतिनिधी : जावेद शेख
रस्ता सुरक्षा सप्ताह व पोलीस वर्धापन दिनाच्या औचित्य साधून उपप्रादेशिक परिवहन अधिकारी श्री अनंत कुमार जोशी व राहुरी पोलीस स्टेशनचे पोलीस निरीक्षक श्री संजय ठेंगे यांनी सकाळी 11:15 ते 11:45 दरम्यान मोटरसायकल रॅलीचे आयोजन केले.
सदर रॅलीमध्ये परिवहन विभागाचे अधिकारी कर्मचारी पोलीस विभागाचे अधिकारी कर्मचारी, पोलीस मित्र, विविध ड्रायव्हिंग स्कूलचे संचालक, राहुरी तालुक्यातील नागरिक यांनी सहभाग नोंदवला.
रॅली निघण्यापूर्वी रस्ते सुरक्षा व वाहतुकीचे नियमन याविषयी श्री अनंत कुमार जोशी उपप्रादेशिक परिवहन विभाग अधिकारी श्रीरामपूर यांनी सदर कार्यक्रमाचे प्रास्ताविक मांडले. पोलीस निरीक्षक संजय ठेंगे यांनी ट्राफिक जाम व रोड ट्राफिक एक्सीडेंट होण्याच्या मूळ कारणाची कारण मीमांसा मांडली.
श्री नवाळे मुख्याधिकारी देवळाली नगरपालिका, यांनी सीट बेल्ट हेल्मेटचे महत्त्व अधोरेखित करत स्वतः शंभर टक्के सीट बेल्ट लावूनच प्रवास करणार असल्याबाबत संकल्प केला.
अध्यक्षीय भाषणात राहुरीचे तहसीलदार श्री नामदेवराव पाटील यांनी राहुरी तालुक्यात होणारे अपघात कमी होण्यासाठी सर्व प्रशासन कटिबद्ध राहून अपघाताची संख्या कमी करूया असा संकल्प केला.
सदर कार्यक्रम यशस्वी करण्यासाठी परिवहन विभागाचे मोटर वेहिकल इन्स्पेक्टर श्री पांडुरंग सांगळे,सचिन सानप धीरज भामरे यांनी महत्त्वाची भूमिका बजावली.
ड्रायव्हिंग स्कूलचे संचालक योगेश निकम – वैष्णवी मोटर ड्रायव्हिंग स्कूल
सचिन चोथे – कस्तुरी मोटर ड्रायव्हिंग स्कूल
यांनी प्रमुख पाहुण्यांचे व उपस्थितांचे आभार मानले.
उपरोक्त सर्व प्रमुख पाहुण्यांनी सदर मोटरसायकल रॅलीला हिरवी झेंडी दाखवत सुरुवात केली व त्यात सुमारे 100 दुचाकी स्वारानी हेल्मेट परिधान करून सहभाग नोंदवला.
