सिने नाट्य कलाकार दिनेश भाने यांची वर्गमित्राला सप्रेम भेट; राहुरी फॅक्टरी येथील कृष्णा निवासात मैत्रीचा अनोखा सोहळा
*सिने नाट्य कलाकार दिनेश भाने यांची वर्गमित्राला सप्रेम भेट; राहुरी फॅक्टरी येथील कृष्णा निवासात मैत्रीचा अनोखा सोहळा
*अहिल्या नगर जिल्हा (प्रतिनिधी) -* मैत्री म्हणजे काय? तर वेळ, काळ, प्रसिद्धी आणि अंतराच्या पलीकडचं नातं! याचं जिवंत उदाहरण पाहायला मिळालं राहुरी फॅक्टरी येथील कृष्णा निवासात.
पद्मश्री डॉ. विठ्ठलराव विखे पाटील महाविद्यालय, लोणीचे माजी विद्यार्थी आणि आज सिने नाट्य सृष्टी गाजवणारे हरहुन्नरी कलाकार *सिने नाट्य कलाकार दिनेश भाने* यांनी आपले जिवलग वर्गमित्र *प्रा. ज्ञानेश्वर कृष्णाजी बनसोडे* यांच्या राहुरी फॅक्टरी येथील कृष्णा निवासस्थानी सदिच्छा भेट दिली.
P.V.P. कॉलेजच्या त्या सोनेरी दिवसांत एकाच बाकावर बसून धडे गिरवणारे हे दोन मित्र, काळाच्या ओघात दोन वेगवेगळ्या क्षेत्रात चमकले. एकाने रुपेरी पडदा गाजवला, तर दुसऱ्याने शिक्षण क्षेत्रात आपला ठसा उमटवला. पण दोघांच्या मनातली मैत्रीची वीणा आजही तितकीच घट्ट आहे, याचा प्रत्यय या भेटीत आला.
अचानक आपल्या दारी सिने कलाकार मित्राला पाहून प्रा. बनसोडे सर भावनिक झाले. त्यांनी मित्रप्रेमाने ओथंबून श्रीफळ व शाल देऊन दिनेश भाने यांचा यथोचित सन्मान केला. त्या क्षणी कृष्णा निवासात आनंद, आपुलकी आणि जुन्या आठवणींचा त्रिवेणी संगम पाहायला मिळाला.
*प्रा. बनसोडे सर यावेळी म्हणाले,* “वर्गमित्राची ही भेट म्हणजे बालपण पुन्हा जागं झाल्यासारखं आहे. मैत्री हीच खरी श्रीमंती असते, हे आज पुन्हा अधोरेखित झालं.”
या भेटीने परिसरात चर्चेचा विषय निर्माण झाला असून, प्रसिद्धीच्या शिखरावर पोहोचूनही मातीशी आणि मित्रांशी नाळ जोडून ठेवणारे दिनेश भाने यांचे सर्वत्र कौतुक होत आहे.
> *राहुरीच्या कृष्णा निवासी, भेटला वर्गमित्र खास,*
> *लोणीच्या विखे पाटील कॉलेजचा, तोच जुना सहवास,*
> *एक झाला सिने कलाकार, दुसरा प्राध्यापक आज,*
> *पण मैत्रीची वीण अजूनही, तितकीच घट्ट खास!*
