पाण्याचा अपव्यय टाळा, जीवनाचा अमूल्य ठेवा जपा!
पाण्याचा अपव्यय टाळा, जीवनाचा अमूल्य ठेवा जपा!
=========°==========
पाणी म्हणजे जीवन, पाणी म्हणजे श्वास,
पाण्याविना अपूर्ण राहतो निसर्गाचा प्रवास.
थेंबाथेंबात दडलेले आहे जीवनाचे सार,
पाणी जपणे हीच काळाची खरी पुकार.
नळातून वाहणारे पाणी वाया घालवू नका,
निसर्गाच्या अमूल्य देणगीला दुर्लक्षित करू नका.
आजचा थेंब उद्याचे जीवन घडवू शकतो,
पाण्याचा प्रत्येक थेंब दुष्काळ दूर करू शकतो.
पाण्याशिवाय शेतीचे हिरवे स्वप्न कोमेजते,
पाण्याविना माणसाचे जीवनही संकटात सापडते.
पाण्याचा अपव्यय म्हणजे भविष्याशी केलेली चूक,
पाणी जपण्यातच आहे सुखी जीवनाची भूक.
घराघरांत पाणी जपण्याची सवय रुजली पाहिजे,
जलसंवर्धनाची ज्योत प्रत्येक मनात पेटली पाहिजे.
प्रा. ज्ञानेश्वर बनसोडे सांगतात, पाण्याचा प्रत्येक थेंब जपा,
जलसंवर्धनाचा संकल्प करून जीवनाचा दीप उजळवा.
पावसाचे पाणी अडवा, जमिनीत मुरवा,
पाण्याच्या प्रत्येक थेंबाला जीवनाचा आधार द्या.
निसर्गाने दिलेली संपत्ती पैशांनी विकत मिळत नाही,
पाण्याची कमतरता निर्माण झाली तर तहान सहज भागत नाही.
आज पाणी वाचवले, तर उद्याची पिढी हसेल,
अन्यथा पाण्यासाठी तिचे जीवन संघर्षात जाईल.
पाण्याचा अपव्यय टाळणे ही प्रत्येकाची जबाबदारी आहे,
पाण्याचे संरक्षण करणे ही उद्याच्या जीवनाची खरी शिदोरी आहे.
पाणी वाचवा, जीवन वाचवा; हाच काळाचा संदेश आहे,
पाण्याचा प्रत्येक थेंब जपण्यातच उज्ज्वल भविष्य आहे.
=लेखक=
प्रा ज्ञानेश्वर कृष्णाजी बनसोडे सर
साकुरी तालुका राहाता जिल्हा अहिल्या नगर
भ्रमण ध्वनी=९६०४७९७३१६
