दिव्यांगाचा 5% निधीत वाढ करण्यासाठी प्रहार चे देवळाली नगरपालिकेस निवेदन*
*दिव्यांगाचा 5% निधीत वाढ करण्यासाठी प्रहार चे देवळाली नगरपालिकेस निवेदन*
राहुरी तालुका जावेद शेख
देवळाली नगरपालिकेच्या वतीने मिळणारा निधी 3% वरून 5%निधी मिळावा यासाठी अहिल्यानगर जिल्हा प्रहार दिव्यांग संघटना व दिव्यांग शक्ती सेवा संस्था राहुरी यांच्या वतीने देवळाली प्रवरा नगरपरीषदेचे मुख्याधिकारी यांना निवेदन देण्यात आले. 2018पासून देवळाली प्रवरा नगरपरीषदेच्या वतीने शहरातील दिव्यांगांना मिळणारा 3%टक्के निधी वाटप केला जातो हा खूप तुटपुंजा आहे महागाई खूप वाढलेले आहे.दिव्यांगाच्या औषध उपचारासाठी दैनंदिन खर्चासाठी त्याचा वापर व्हावा यासाठी स्थानिक स्वराज्य संस्थेच्या उत्पन्नातून 3% ऐवजी 5%खर्च करण्यात यावे असे प्रहार दिव्यांग संघटनेचे जिल्हाध्यक्ष मधुकर घाडगे यांनी निवेदनात म्हटले आहे .
देवळाली नगरपरिषद प्रती दिव्यांग 2000 रुपये निधी वर्षातून एकदाच मिळत आहे. 2018 मध्ये 3% निधी वाटप करणे बंधनकारक होते. समान संधी समान हक्क दिव्यांग अॅक्ट 2016 नुसार निधी 3% वरून 5% वर करण्यात आलेला आहे. परंतु देवळाली नगर परिषदेने 2024 /2025 चा निधी दोन टप्यात पहिल्या टप्यात 2000 व दुसर्या टप्यात 1234 रू.निधी वाटप केला परंतु 5% तरतूद नुसार निधीमध्ये वाढ करण्यात यावी दिव्यांगाचा सहानुभूतीपूर्वक विचार करून दिव्यांगाच्या पेन्शनमध्ये 80 %ते 100%असणाऱ्या दिव्यांगासाठी 6000 हजार रुपये 60% ते 80% असणाऱ्या दिव्यांग 5000 हजार रुपये तसेच 40% ते 60% असणाऱ्या दिव्यांगासाठी 4000 हजार रूपये 5%निधीची तरतूद करण्यात यावी.तसेच सन 2025 /26 चा निधी दिपावली पुर्वी वितरण करण्यात यावे.अन्यथा माहितीचे अधिकारांमध्ये जाऊन स्थानिक स्वराज्य संस्थेच्या उत्पन्नातील 5% निधी हा दिव्यांग बांधवांसाठी खर्च करणे बंधनकारक आहे आणि हा खर्च दिव्यांगासाठी झाला पाहिजे अशी मागणी प्रहार दिव्यांग संघटनेचे जिल्हा सल्लागार सलीम भाई शेख यांनी केली तसेंच दिव्यांगाचे कार्यक्रम मीटिंग
घेण्यासाठी दिव्यांग भवन किंवा एखादा गाळा उपलब्ध करून देण्यात यावा.अन्यथा माहितीचे अधिकारांमध्ये जाऊन स्थानिक स्वराज्य संस्थेच्या उत्पन्नातील 5% निधी हा दिव्यांग बांधवांसाठी खर्च करणे बंधनकारक आहे आणि हा खर्च दिव्यांगासाठी झाला पाहिजे अन्यथा माननीय बच्चू भाऊ कडू यांच्या मार्गदर्शनाखाली तीव्र आंदोलन करण्यात येईल त्याच्या होणाऱ्या परिणामास देवळालीप्रवरा नगरपरिषद जबाबदार राहील.यावेळी प्रहार दिव्यांग संघटनेचे उ.अ.नगर जि.सल्लागार सलीमभाई शेख, तालुका अध्यक्ष योगेश लबडे देवळाली प्रवरा शहरअध्यक्ष राजेंद्र सोनवने,मौ.ऊमर शेख,रमेश गुलदगड, बाबाजान शेख, नवनाथ पिंपळे, बाबासाहेब सोनवने, कातीलाल गायकवाड आदी उपस्थित होते.
