ज्येष्ठ सुप्रसिद्ध शायर डॉ.कासिम ईमाम यांच्या शायरीचे सुवर्ण महोत्सवी वर्ष

ज्येष्ठ सुप्रसिद्ध शायर डॉ.कासिम ईमाम यांच्या शायरीचे सुवर्ण महोत्सवी वर्ष

डॉ. कासिम यांच्या शायरीने उर्दू साहित्य समृद्धी बरोबर हिंदू मुस्लिम ऐक्यही जपले- ज्येष्ठ पत्रकार रियाजभाई शेख

राहुरी / विशेष प्रतिनिधी : जावेद शेख

शेरो शायरी आणि उर्दू गझल तसेच उर्दू साहित्याचा वारसा पुढे नेताना उर्दू साहित्यातील एक मौल्यवान हिरा ज्यांच्या शायरीला आज पन्नास वर्ष पूर्ण होत आहे आणि योगानुयोग त्यांचा वाढदिवशी त्यांच्या शायरीच्या सुवर्णमहोत्सव साजरा होत असल्याच्या निमित्ताने नगर येथील जिल्हा पत्रकार संघाचे उपाध्यक्ष ज्येष्ठ पत्रकार रियाजभाई शेख यांच्या हस्ते त्यांचा सत्कार करण्यात आला. याप्रसंगी नगरच्या उर्दू शिक्षण संस्थेचे संचालक सलाम सर तसेच संगमनेर नेहरू उर्दू सेंटरचे इद्रिस शेख आदि उपस्थित होते.
यावेळी बोलताना रियाजभाई शेख म्हणाले की, शायरीचा मोठा चाहता वर्ग आहे आणि भारतातच नव्हे तर जगातील कानाकोपऱ्यात गझल आणि शायरी पसंत केली जाते तथा या शायरांच्या फळीतील अग्रक्रमावर येणार नाव म्हणजे डॉ. कासीम इमाम होय, त्यांच्या शायरीने फक्त उर्दू साहित्य समृद्ध केले असे नाही तर हिंदू मुस्लिम ऐक्यही जपले आहे.

डॉ.कासीम इमाम यांच्या कार्यशैलीबाबत इद्रिस शेख यांनी थोडक्यात टाकलेला प्रकाशझोत ……
आज जगात अनेक कवी, शायर आहेत, परंतु मुंबईतील बुरहानी कॉलेजच्या उर्दू विभागाचे प्रमुख राहिलेले आणि जगप्रसिद्ध शायर ज्येष्ठ साहित्यिक प्रा. डॉ. कासिम इमाम यांची राष्ट्रीय एकात्मता आणि मराठी व हिंदी भाषांवर असलेले प्रभुत्व यासाठी एक वेगळी ओळख आहे. जगप्रसिद्ध शायर डॉ. कासिम इमाम कासिम हे हिंदू – मुस्लिम ऐक्याचे प्रतीक आहेत. त्यांचा जन्म हैदराबाद मध्ये ५ जून ला झाला. आज त्यांचा वाढदिवस, बालवयातच त्यांना शायरी करण्याचा छंद लागला आणि त्यांनी तो जोपासला गेली ५० वर्षापासून शायरी क्षेत्रात त्यांनी दिलेले योगदान हे तुम्हा आम्हा साठी कायम प्रेरणा देणारे राहील.

डॉ. कासिम इमाम हे मुंबई विद्यापीठाचे पीएच.डी. मार्गदर्शक आणि उर्दू विभागाचे प्रतीक मानले जातात. शायर असूनही त्यांचे केवळ संबंधच नाहीत तर दिलीप कुमार, अमिताभ बच्चन, शाहरुख खान, राज बब्बर यांसारख्या चित्रपटसृष्टीतील प्रसिद्ध कलाकारांशी जवळचे संबंध आहेत. डॉ. कासिम इमाम यांनी शाहरुख खानच्या उपस्थितीत अनेक मुशायऱ्यांचे आयोजन केले आहे.प्रत्येक ईदला स्वतः दिलीप कुमार यांच्या घरी दिवसभर त्यांच्यासोबत बसत असत आणि त्यांच्या गज़ल ऐकून आनंद घेत असत. मुंबईचे माजी पोलिस आयुक्त डॉ. सत्यपाल सिंह यांनी संस्कृतमध्ये “इंसान की तलाश में” हे पुस्तक लिहिले. डॉ. कासिम इमाम यांनी त्याचे उर्दू भाषांतर केले. यांच्या विनंतीवरून ते अमिताभ बच्चन यांच्या हस्ते प्रकाशन केले. डॉ. कासिम इमाम यांनी त्याचे सूत्रसंचालन केले.
बॉलिवूड स्टार्स जॅकलिन फर्नांडिस, कार्तिक आर्यन, वरुण धवन, टायगर श्रॉफ असे नवीन चित्रपट कलाकार अजूनही डॉ. कासिम इमाम यांच्याकडे उर्दू शिकण्यासाठी येतात. चित्रपटसृष्टी व्यतिरिक्त, डॉ. कासिम इमाम राजकीय क्षेत्रातही खूप लोकप्रिय आहेत. डॉक्टर साहेबांचे महाराष्ट्राचे मुख्यमंत्री देवेंद्र फडणवीस, माजी मुख्यमंत्री विलासराव देशमुख, सुशील कुमार शिंदे, अजित पवार, शरद पवार,काँग्रेस, राष्ट्रवादी काँग्रेस, भाजप, शिवसेना नेत्यांशी त्यांचे खूप चांगले संबंध आहेत. डॉक्टर कासिम इमाम हे महाराष्ट्र सरकारच्या उर्दू साहित्य अकादमी संस्थेचे वीस वर्षांपासून सदस्य आहेत.  १५ ऑगस्ट या शुभ मुहूर्तावर गेटवे ऑफ इंडिया येथे आयोजित मुशायराचे अध्यक्ष डॉ. कासिम इमाम आहेत, नगर जिल्ह्यात संगमनेरवर आणि नगर शहरावर त्यांचे विशेष प्रेम आहे,शहरात त्यांचे नेहमी मुशायरा कार्यक्रम होत असतात.दिवंगत डॉ.सय्यद नुसरत यांनी मंटोवर लिहिलेल्या पुस्तकाचे प्रकाशन करताना ते म्हणाले की, जर उर्दू भाषा फक्त मुस्लिमांची असती तर मुन्शी प्रेमचंद, गुलजार, त्रिलोकचंद मेहरम, गुलजार दहेलवी, राजेंद्र सिंह बेदी, जगन्नाथ आझाद, गोपीचंद नारंग इत्यादी प्रसिद्ध कादंबरीकार कधीच साहित्यिक झाले नसते. उर्दू भाषा ही मुस्लिमांची नाही तर ती सर्व भारतीयांच्या प्रेमाची भाषा आहे. मराठी आणि हिंदी भाषा आपल्याला उर्दू इतक्याच प्रिय आहेत. डॉ. कासिम इमाम यांनी १२ पुस्तके लिहिली आहेत.

आकाशवाणीच्या बज़मे उर्दू कार्यक्रमाचे ६ वर्षे सूत्रसंचालन त्यांनी केले आहे. देशभरातील राष्ट्रीय एकात्मतेवरील अनेक मुशायरे आणि कवी संमेलनांमध्ये डॉ. कासिम इमाम हे विशेष उपस्थित असतात. हिंदीबद्दल म्हणतात, “सर्वात सोपी भाषा ती आहे, सर्वात गोड भाषा ती आहे जी नैना बावरे बोलतात आणि जी सैयान सावरे समजतात. आज त्यांची तुलना भारतातील महान कवी राहत इंदोरी, वसीम बरेलवी, मजरूह सुलतानपुरी इत्यादींशी केली जाते. आज ५ ‘जुन त्यांच्या वाढदिवसा निमित्त जगभरातील त्यांचे चाहते त्यांचे शुभेच्छांचा वर्षाव करत आहेत. शायरीच्या क्षेत्रातील एक तेजस्वी व्यक्तिमत्वाचे सोनेरी क्षण, रसिकांनी दिलेला उत्साही प्रतिसाद, होय यामुळे माझा आत्मविश्वास वाढतो हा माझ्यासाठी दररोज एक खास उत्सव असतो.आयुष्यातील विविध टप्प्यांवर प्रकाश टाकण्याची माझी इच्छा आहे.सामाजिक विषयाला न्याय देणारी शब्दशैली, विनोदी भाषेचा विषय, वाचकाला मनोरंजक बनवते आणि श्रोत्यांवरही वर्चस्व गाजवते. जीवन प्रवासात मोठ्या ताकदीने शायरी लिहितात .त्यांनी शायरीला एक नवीन चेहरा दिला आहे. नवता हा त्यांचा उर्जेचे स्रोत आहेत. जर तुम्हाला शायरी शिकायची असेल, तर तुम्ही खूप आनंदी व्हाल. प्रेम,
वेदना, जीवनातील असंख्य अनुभवांचा सखोल शोध शायर” डॉ. इमाम कासिम ही पदवी अनेकदा महान कवींना दिली जाते. हे शीर्षक त्यांच्या कवितेतील खोली, भावना आणि उत्कृष्टता प्रतिबिंबित करते.
“शायरों के शायर” असे म्हणता येतील असे प्रसिद्ध शायर तेच. मिर्झा गालिब हसरत मोहानी, जिगर मुरादाबादी, या शायराच्या शायरीने उर्दू साहित्य समृद्ध केले आहे आणि त्यांच्या कृती अजूनही वाचकांना, श्रोत्यांना कायम प्रेरणा देत राहतील. शायर” हे पदवी महान कवींना अनेकदा दिली जाते. हे शीर्षक त्यांच्या कवितेतील खोली, भावना आणि उत्कृष्टता प्रतिबिंबित करते. कारण त्यांची शायरी  जीवनाच्या आणि भावनांच्या खोलीचे अद्भुत चित्रण करते. आज त्यांचा ६५ वा  वाढदिवस तर दुसरीकडे त्यांच्या शायरी निर्मितीला ५० वर्षे पूर्ण होत आहे. या वर्षीचा वाढदिवस म्हणजे त्यांच्या शायरीचा सुवर्ण महोत्सव आहे. हे स्वर्णिम क्षण त्यांच्या शायरीला अजून उजाळा देत राहतील.
डॉ .कासिम यांच्या शायरीने उर्दू साहित्य समृद्धी बरोबर हिंदू मुस्लिम ऐक्यही जपले असल्याचे यावेळी जिल्हा पत्रकार संघाचे उपाध्यक्ष ज्येष्ठ पत्रकार रियाजभाई शेख यांनी सांगितले.

0 3 9 0 2 7