राहुरी तालुका क्रीडा संघटनेची सहविचार सभा उत्साहात संपन्न
राहुरी तालुका क्रीडा संघटनेची सहविचार सभा उत्साहात संपन्न
नूतन कार्यकारिणीची निवड; नितीन घोलप सर व प्रा. पुरब सुर्यवंशी सर यांची उपाध्यक्षपदी निवड
राहुरी : राहुरी तालुका क्रीडा संघटनेच्या वतीने शालेय पावसाळी क्रीडा स्पर्धांच्या आयोजन व नियोजनासंदर्भात सहविचार सभा नुकतीच लोकनेते रामदास पाटील धुमाळ कला, विज्ञान व वाणिज्य महाविद्यालय, राहुरी येथे उत्साहपूर्ण वातावरणात संपन्न झाली.
या बैठकीस राहुरी तालुक्यातील विविध शाळा व महाविद्यालयांतील अनेक क्रीडा शिक्षक बंधू-भगिनींनी उत्स्फूर्त सहभाग नोंदविला. यावेळी आगामी शालेय क्रीडा स्पर्धांचे नियोजन, आयोजन, विद्यार्थ्यांचा सहभाग तसेच क्रीडा क्षेत्राच्या विकासासाठी विविध विषयांवर सविस्तर चर्चा करण्यात आली.
याच बैठकीदरम्यान राहुरी तालुका क्रीडा संघटनेच्या नूतन कार्यकारिणीची निवड करण्यात आली. यामध्ये अध्यक्ष, उपाध्यक्ष, सचिव, खजिनदार तसेच विविध पदाधिकाऱ्यांची निवड करण्यात आली.
विशेष म्हणजे अध्यक्षपदी श्री. नितीन घोलप सर यांची निवड झाली असून, उपाध्यक्षपदी प्रा. पुरब सुर्यवंशी सर यांची निवड करण्यात आली. क्रीडा क्षेत्रातील अनुभव आणि संघटनात्मक कार्याच्या माध्यमातून तालुक्यातील क्रीडा चळवळीला अधिक बळकटी देण्याचा निर्धार यावेळी व्यक्त करण्यात आला.
नूतन कार्यकारिणीच्या माध्यमातून राहुरी तालुक्यातील शालेय क्रीडा क्षेत्राला नवी दिशा देण्यासोबतच अधिकाधिक विद्यार्थ्यांना क्रीडा क्षेत्रात संधी उपलब्ध करून देण्यासाठी प्रयत्न करण्याचा संकल्प करण्यात आला.
क्रीडा शिक्षकांची एकजूट, संघटनेची ताकद आणि विद्यार्थ्यांचा सर्वांगीण क्रीडा विकास हेच आगामी काळातील प्रमुख उद्दिष्ट राहणार असल्याचे यावेळी सांगण्यात आले. 🏆
नूतन कार्यकारिणीचे हार्दिक अभिनंदन व पुढील वाटचालीस मनःपूर्वक शुभेच्छा! 💐
