निर्भय युवा ग्रामीण पत्रकार संघाची राहुरी तालुका बैठक उत्साहात संपन्न
दीपक मकासरे यांची तालुका उपाध्यक्षपदी तर प्रमोद डफळ यांची तालुका सचिवपदी पदोन्नती
निर्भय युवा ग्रामीण पत्रकार संघाची राहुरी तालुका बैठक उत्साहात संपन्न
दीपक मकासरे यांची तालुका उपाध्यक्षपदी तर प्रमोद डफळ यांची तालुका सचिवपदी पदोन्नती
राहुरी | प्रतिनिधी
निर्भय युवा ग्रामीण पत्रकार संघाची महत्वपूर्ण बैठक रविवार, दि. २१ जून २०२६ रोजी सकाळी ११ वाजता राहुरी तालुक्यातील धर्माडी टेकडी येथील गेस्ट हाऊस येथे उत्साहपूर्ण वातावरणात संपन्न झाली. संघटनेच्या बळकटीकरणासाठी, आगामी उपक्रमांचे नियोजन, ग्रामीण पत्रकारांच्या विविध प्रश्नांवर चर्चा तसेच कार्यकारिणीतील विविध नियुक्त्या व पदोन्नती जाहीर करण्यासाठी या बैठकीचे आयोजन करण्यात आले होते.
बैठकीच्या अध्यक्षस्थानी जिल्हाध्यक्ष बाळकृष्ण भोसले होते. यावेळी जिल्हासचिव राजेंद्र म्हसे, जिल्हा सहसचिव राजेंद्र पवार, जिल्हासंघटक आर. आर. जाधव, तालुका अध्यक्ष अशोक मंडलिक, तालुका उपाध्यक्ष दीपक मकासरे, तालुका सचिव प्रमोद डफळ, सहखजिनदार जावेद शेख, खजिनदार कमलेश विधाटे तसेच ज्येष्ठ सदस्य बाळासाहेब दातीर आदी मान्यवर उपस्थित होते.
बैठकीत संघटनेच्या कार्यकारिणीतील विविध पदांवर नियुक्त्या करण्यात आल्या. तसेच संघटनेत उल्लेखनीय कार्य करणाऱ्या काही पदाधिकाऱ्यांना पदोन्नती देण्यात आली. यामध्ये दीपक मकासरे यांची राहुरी तालुका उपाध्यक्षपदी तर प्रमोद डफळ यांची तालुका सचिवपदी पदोन्नती जाहीर करण्यात आली. याशिवाय कार्यकारिणीच्या विविध नियुक्त्याही यावेळी जाहीर करण्यात आल्या.
कार्यकारिणी सदस्य म्हणून दिनेश गायकवाड, अप्पासाहेब मकासरे, देवेंद्र शिंदे, अनिकेत विधाटे, दीपक साळवे, उमेश बाचकर, मधुकर म्हसे, राजेंद्र परदेशी, प्रशांत जोशी, युनूस शेख आदींसह अनेक पत्रकार सदस्य बैठकीस उपस्थित होते.
बैठकीदरम्यान संघटनेच्या विस्तारासाठी आवश्यक उपाययोजना, ग्रामीण भागातील पत्रकारांना भेडसावणाऱ्या विविध समस्या, पत्रकारांच्या हक्क व संरक्षणासाठी राबविण्यात येणारे उपक्रम तसेच आगामी कार्यक्रमांचे नियोजन यावर सविस्तर चर्चा करण्यात आली.
यावेळी जिल्हाध्यक्ष बाळकृष्ण भोसले यांनी संघटनेच्या आगामी वाटचालीबाबत सविस्तर मार्गदर्शन केले. संघटनेची उद्दिष्टे, कार्यपद्धती, ग्रामीण पत्रकारांच्या हक्क व संरक्षणासाठी राबविण्यात येणारे उपक्रम तसेच भविष्यातील नियोजन याबाबत त्यांनी उपस्थित पत्रकारांना माहिती दिली. संघटनेचे कार्य अधिक व्यापक व प्रभावी करण्यासाठी सर्व पदाधिकाऱ्यांनी समन्वयाने काम करण्याचे आवाहनही त्यांनी केले.
नवनियुक्त तसेच पदोन्नती झालेल्या पदाधिकाऱ्यांचे अभिनंदन करून त्यांना पुढील वाटचालीसाठी शुभेच्छा देण्यात आल्या. संघटनेचे कार्य अधिक प्रभावीपणे पुढे नेण्यासाठी सर्वांनी एकजुटीने कार्य करण्याचा निर्धार व्यक्त केला.
बैठकीच्या शेवटी संघटनेच्या आगामी कार्यक्रमांचे नियोजन करण्यात आले. तालुका सचिव प्रमोद डफळ यांनी उपस्थितांचे आभार मानून बैठकीची सांगता केली.
