गांजा विक्रीसाठी नेणाऱ्या धरणगाव तालुक्यातील दोघांना पोलिसांनी केली अटक
गांजा विक्रीसाठी नेणाऱ्या धरणगाव तालुक्यातील दोघांना पोलिसांनी केली अटक
रेल्वे स्टेशनजवळ गांजा पिणाऱ्याला अटक
वि. उपसंपादक :- पंकज पाटील
जळगाव :- अमळनेर तालुक्यातील कामतवाडी येथून जळगावला गांजा विक्रीसाठी नेणाऱ्या धरणगाव तालुक्यातील दोघांना पोलिसांनी अटक करून त्यांच्या जवळील ९० हजार २४६ रुपये किमतीचा ४ किलो ५४६ ग्राम गांजा आणि ४५ हजार रुपये किमतीची मोटरसायकल असा एकूण १ लाख ३५ हजार २४६ रुपयांचा मुद्देमाल जप्त करण्यात आला आहे.२८ रोजी पोलीस निरीक्षक दत्तात्रय निकम याना गोपनीय माहिती मिळाली की कामतवाडी गावाहून मोटरसायकल क्रमांक एम एच १९ , डी आर ९७९१ वर जळगाव ला गांजा विक्रीसाठी नेण्यात येत आहे. त्यानुसार पो नि निकम यांनी डीवायएसपी विनायक कोते यांची परवानगी घेऊन हेडकॉन्स्टेबल सुनील जाधव , राहुल पाटील , जितेंद्र निकुंभे ,अमोल पाटील ,उदय बोरसे , समाधान सोनवणे, सुनील पाटील यांना घेऊन कामतवाडी येथे तोरणामाता मंदिराजवळ सापळा रचला. वरील मोटरसायकलवर दोन इसम आले असता पोलिसांनी त्यांना अडवून त्यांची विचारपूस केली असता त्यांच्याजवळ गोणीत ४ किलो ५४६ ग्राम गांजा आढळून आला. पोलिसांनी त्यांना त्यांची नावे विचारली असता राकेश गुलाब पाटील वय २७ व मागे बसलेला कारण गजानन भिल वय २१ रा वागळुद ता धरणगाव असे सांगितले. पोलिसांनी त्यांच्याजवळील गांजा व मोटरसायकल दोन्ही जप्त करून दोघांविरुद्ध एनडीपीएस कायदा १९८५ च्या कलम ८ (क) , २०( ब)( २)( क) प्रमाणे गुन्हा दाखल करून अटक करण्यात आली आहे. आरोपीना न्यायालयात हजर केले असता ३ मे पर्यंत पोलीस कोठडी सुनावण्यात आली आहे. तपास पोलीस निरीक्षक दत्तात्रय निकम करीत आहेत. तर रेल्वे स्टेशनच्या गेट च्या आडोश्याला टपरीच्या बाजूला काही इसमाकडून गांजा ओढला जात असल्याची माहिती मिळताच पोलीस उपनिरीक्षक राजू जाधव , प्रशांत पाटील , मिलिंद सोनार , निलेश मोरे , विनोद संदानशिव यांनी २८ रोजी रात्री पावणे नऊ वाजेच्या सुमारास छापा टाकला असता शुभम आनंदा पाटील वय २८ रा बंगालीफाईल याला अटक करण्यात आली. त्याच्याविरुद्ध एनडीपीएस कायदा कलम ८ (क ) २७ प्रमाणे गुन्हा दाखल करण्यात आला आहे. तपास हेडकॉन्स्टेबल अशोक साळुंखे करीत आहेत.
