रेवदंड्यात कर्करोग निदान शिबीर कार्यक्रम संपन्न…
रेवदंड्यात कर्करोग निदान शिबीर कार्यक्रम संपन्न…
अलिबाग / प्रतिनिधी : राजेश बाष्टे
एम.ओ.सी आणि रेवदंडा डॉक्टर्स असोसिएशन व ज्येष्ठ नागरीक संस्था, रेवदंडा यांच्या संयुक्त विद्यमाने दि.९ मार्च रोजी डॉ. वरसोलकर हॉस्पिटल, रेवदंडा बाजारपेठ येथे शिबीराचे आयोजन करण्यात आले.
ज्येष्ठ नागरीक संस्था रेवदंडा यांच्यावतीने अनेक समाज उपयोगी कार्यक्रम करण्यात येतात, जागतिक महिला दिनानिमित्त महिलांचे सत्कार करण्यात आले असून दि.९ मार्च रोजी डॉ.वरसोलकर हॉस्पिटल इथे कर्करोग निदान शिबीर (पॅप स्मिअर टेस्ट आणि पी.एस.ए टेस्ट) डॉ. देवेंद्र पाल एमडी, डीएनबी, इसीएमओ कर्करोगतज्ञ यांचा वैद्यकिय सल्ल्याने शिबिरास उत्तम प्रतिसाद मिळाला.
कार्यक्रमासाठी शेखर गावडे, श्रावणी खानविलकर, ज्योती चिपळूणकर, स्वप्नील बागुल, एम.ओ.सी कॅन्सर केअर आणि रिसर्च सेंटरचे सहकारी उपस्थित होते. रेवदंडा डॉक्टर्स असोसिएशनचे डॉ. महाजन, डॉ. वरसोलकर, डॉ.किरण जैन, डॉ. रुमाना मुंशी, डॉ.भाग्यश्री तळकर उपस्थित होते. ज्येष्ठ नागरिक संस्थेचे अध्यक्ष सुभाष चिटणीस, वरसोलकर मॅडम, लता चिटणीस, प्रकाश पाटील, सुरेश खडपे, भगवान तांबडकर, रविकांत राऊत, सतीश कुलकर्णी हे उपस्थित होते. कार्यक्रम यशस्वी करण्याकरता मनोहर नंदन यांनी विशेष प्रयत्न केले.
