श्री कमला भवानी नवरात्र उत्सवानिमित्त श्री प्रशांत ढाळे व श्री ओंकार ढाळे यांच्याकडून 24 किलो चांदीची चौकट कमला भवानी मंदिरास अर्पण
श्री कमला भवानी नवरात्र उत्सवानिमित्त श्री प्रशांत ढाळे व श्री ओंकार ढाळे यांच्याकडून 24 किलो चांदीची चौकट कमला भवानी मंदिरास अर्पण
प्रतिनिधी: सुर्यकांत होनप
करमाळा: दि. 21/ करमाळा येथील श्री जगदंबा कमला देवी नवरात्र उत्सवानिमित्त श्री प्रशांत मोहन ढाळे व श्री ओंकार नारायण ढाळे यांच्याकडून श्रीकामला भवानी मंदिराच्या मुख्य गाभाऱ्याची 24 किलो वजनाची चांदीची चौकट श्री कामला भवानी मंदिरास अर्पण करण्यात आली. यावेळी श्री कमला देवी मंदिर समितीकडून मंदिर समितीचे अध्यक्ष सोमनाथ चिवटे, सचिव अनिल पाटील, विश्वस्त अॕ. शिरीषकुमार लोणकर, डॉक्टर रोहन पाटील, सुशील राठोड, राजेंद्र वाशिंबेकर यांच्या हस्ते त्यांचा सत्कार करण्यात आला. यावेळी ढाळे परिवार, मानकरी, सेवेकरी, भक्तगण इं. उपस्थित होते.
श्री कमलादेवी मंदिराचे पुरातन दगडी स्वरूपातील असलेले मुळ मंदिराचे दर्शन भाविक भक्तांना मिळणार आहे. श्री जगदंबा कमलादेवी मंदिर ट्रस्टच्या संयोजकाने श्रीकमलादेवी मंदिर जतन व संवर्धन कामास गेल्या वर्षापासून सुरुवात करण्यात आलेली आहे. मंदिर जतन संवर्धनाचे काम प्रगतीपथावर असून भक्तांच्या देणगी रूपी सहकार्यातून या कामास सुरुवात करण्यात आलेली आहे.
श्री कमलादेवी मंदिर जतन संवर्धन काम प्रगती पथावर असल्याकारणाने भाविकांनी सढळ हाताने देणगी देऊन या कामात सहकार्य करण्याचे आव्हान देखील श्री जगदंबा कमलादेवी देवस्थान ट्रस्ट कडून करण्यात आलेले आहे. तसेच ऑनलाईन देणगीची सुविधाही उपलब्ध आहे.
देणगीसाठी संपर्क:- अशोक गाठे व्यवस्थापक. मो. नं. ९४०४७०८९२४ / ९५७९९६१७७४.
