करमाळा तालुक्यातील तलाठी व सर्कल कार्यालयाची बांधकामे प्रगतीपथावर:- मा. आ. संजयमामा शिंदे यांनी मंजूर केला होता 4 कोटी 20 लाख निधी
करमाळा तालुक्यातील तलाठी व सर्कल कार्यालयाची बांधकामे प्रगतीपथावर:- मा. आ. संजयमामा शिंदे यांनी मंजूर केला होता 4 कोटी 20 लाख निधी
प्रतिनिधी: सुर्यकांत होनप
करमाळा: दि. १०/ करमाळा तालुक्यासाठी अतिशय महत्त्वाचा विषय असलेल्या महसूल विभागातील मंडळ अधिकारी व तलाठी कार्यालय बांधकामासाठी तत्कालीन आमदार संजयमामा शिंदे यांनी डिसेंबर 2023 च्या पुरवणी अर्थसंकल्पामध्ये 4 कोटी 20 लाख निधी मंजूर केला होता. प्रत्येक ग्रामपंचायतीला ग्रामपंचायत कार्यालय असते परंतु, तलाठी कार्यालय तालुक्यांमध्ये जवळपास नाहीतच. जी आहेत ती मोडकळीला आलेली आहेत किंवा ग्रामपंचायतीच्या आश्रयाने उभी आहेत. ही अडचण लक्षात घेऊन तत्कालीन आमदार संजयमामा शिंदे यांनी तलाठी व सर्कल कार्यालय बांधकामासाठी प्रत्येकी 15 लाख रुपये याप्रमाणे 28 बांधकामासाठी 4 कोटी 20 लाख निधी मंजूर केला होता. ही बांधकामे आता प्रगतीपथावर आहेत.
*या गावात सुरू आहेत मंडळ अधिकारी कार्यालये बांधकाम*
करमाळा, जेऊर, केम ,सालसे, अर्जुननगर ,कोर्टी, केतुर व उमरड.
*या गावात सुरू आहेत तलाठी कार्यालये बांधकाम*
देवळाली, जातेगाव, वांगी, निंभोरे, गुळसडी, कंदर, घोटी, पांगरे, आवाटी, साडे, कोळगाव, करंजे, रावगाव, वीट, जिंती, हिंगणी, कात्रज, चिखलठाण, वाशिंबे व शेटफळ.
