करमाळा नगर परिषद निवडणूकीत 269 उमेदवारांचे अर्ज दाखल. . .

करमाळा नगर परिषद निवडणूकीत 269 उमेदवारांचे अर्ज दाखल. . .

15 नगराध्यक्ष तर 254 नगरसेवकपदासाठी

करमाळा (प्रतिनिधी सचिन जव्हेरी)

करमाळा नगर परिषद निवडणूक करिता आज उमेदवारी अर्ज दाखल करण्याच्या शेवटच्या दिवसापर्यंत नगराध्यक्ष पदाकरिता 15 तर नगरसेवक पदाकरिता 254 उमेदवारी अर्ज दाखल झाले असून एकुण 10 प्रभागात प्रत्येकी दोन या प्रमाणे एकुण 20 नगरसेवकपदाकरिता ही निवडणूक होत असून उमेदवारी अर्ज माघार घेण्याच्या दिवशी निवडणूकिचे वास्तव चित्र समोर येणार आहे. नगराध्यक्षपदाकरिता व नगरसेवक पदाकरिता किती रंगी निवडणूक होणार हे 25 नोव्हेंबर रोजी स्पष्ट होणार आहे. यानंतर निवडुकीची खरी रंगत दिसणार असुन निवडणूक किती रंगी होईल हे जनतेसमोर येणार आहे.
या निवडणुकीत जगताप गट(शिवसेना शिंदे पक्ष),बागल -नागरिक संघटना(भाजप)व सावंत गट(-शहर विकास आघाडी)आणि शिंदे गटाने(राष्ट्रवादी काँग्रेस अजितदादा पवार पक्ष) आपापले उमेदवार निवडणुक रिंगणात उतरवले आहेत.
जगताप गटाकडुन (शिवसेना शिंदे पक्ष)
१० प्रभागातून जरीमुन्नीसा सय्यद, आशितोष शेलार, राजू वाघमारे, पल्लवी अंधारे, अल्ताफ तांबोळी, संगीता खाटेर, माधवी पोळ, चंद्रकांत राखुंडे, साजिदा कुरेशी, माजी नगराध्यक्ष वैभवराजे जगताप, सुवर्णा आल्हाट, माजी नगराध्यक्ष प्रशांत ढाळे, अश्विनी अब्दुले, युवराज चिवटे, मीनल पाटोळे, ज्योतीराम ढाणे, अश्विनी घोलप, रोहित बालदोटा, निलेश कांबळे व शबाना तांबोळी हे २० उमेदवार रिंगणात आहेत.
तर राष्ट्रवादी काँग्रेस (अजितदादा पवार) पक्षाच्यावतीने सौ.बानु फारूक जमादार,आशपाक फारूक जमादार,सौ. आश्विनी नितीन चांदगुडे,सौ स्वाती महादेव फंड,महादेव आदिनाथ फंड,कु तेजल नानासाहेब मोरे,ऋषिकेश सतिश शिगजी,गणेश बाबासाहेब माने,सौ सुवर्णा प्रदिप जाधव,प्रविण प्रदिप जाधव,प्रशांत प्रदिप जाधव,सौ. धनश्री जयंत दळवी,सुहास शिवमुर्ती ओहोळ असे एकुण 13 उमेदवारांनी अर्ज दाखल केले असल्याची माहीती राष्ट्रवादी काँग्रेसचे तालुकाध्यक्ष भरतभाऊ आवताडे व जिल्हा युवकचे अध्यक्ष अभिषेक आव्हाड यांनी दिली आहे.
तर भाजपने आणि सावंत गटाने नगराध्यक्षपदासह 21 उमेदवार दिले आहेत. यावेळेस सावंत गटाने आपले संपुर्ण शहरात उमेदवार देण्याची पहिलीच वेळ असली तरी 10 प्रभागात 20 उमेदवार मिळविणे ही सोपी गोष्ट नसल्याचे मत राजकीय जाणकारांकडून व्यक्त होत आहे. या माध्यमातून सावंत गटाने हम भी कुछ कम नही हे दाखवले असल्याचे बोलले जात आहे.

नगराध्यक्षपदाचे उमेदवार
जगताप गटाच्या ( शिवसेना शिंदे पक्ष ) यांनी सौ.महानंदा उर्फ नंदिनी जयवंतराव जगताप व सौ.संगिता श्रेणिक खाटेर,भाजपच्या सौ.सुनंदा कन्हैयालाल देवी,आणि जयश्री विलास घुमरे,शहर विकास आघाडीच्या (सावंत गट) मोहिनी संजय सावंत व अपक्ष चैताली सुनिल सावंत,रासपच्या सौ.भावना भद्रेश गांधी,अपक्ष सौ.प्रियंका वाघमारे
असे एकुण उमेदवार आहेत.

0 8 9 8 4 5